[JOOLA] LES QUINZE POINTS DE LA REFORME CONSTITUTIONNELLE

— 15 mars 2016

1. Kawunkulenak kujuumak kati kujojak kati pólitikey di bajer’erab bati demokaraasey

2. Emaatey yati kuúñesa futiŋ kajuume jooliil di kawote kanoosan

3. Kañitenak di futiŋ di karungenak sίsukas di fubajaf fati mofam di étuut fujoj funifaan fati sίsuk sati mofam

4. Emaŋey siduruwaas sunkulas sati bukan kati mofam :duruwaa ebaj kújinaam kasete di bucinab booliil ,di fubaj yentaamey yooliil .

5. Káliŋenak kati emaŋey mofam di kamanjen an ati mof waa naate ekaan

6. Kalaañenulak bee simit futok keelak erungey kati áyiau ati mofam

7. Káliŋenak siduruwaa sati kanaamutumi kujoj kati pólitik di duruwaa yati anifaanau ooliil

8. Emaatey yati kati Senegaal kammi di mof mati tίyaŋ di kúdepite kankuseniil

9. Kawuŋenak sembaas sati fujojaf fati kúdepitaak bee mati káninguloor burok bati gúwennomaay di eyink mankaaneimi eeno di mofam .

10. Eceeŋ fujojaf fati kugamooraak mati siluwaas sasemboe man fuyink manter siriibooriiboor di balindab báamakab bati mofam jandi sίpurenuli di sisofi

11. Kabenen bukanak kammi di fujojaf fati kugamooraak púr di 5 bee 7

12. Anifaanau ati fujojaf fati kúdepitaak aate esen bukan 2 di bukanak 7 kaatumi emaat di fujojaf fati kugamooraak

13. Kawuŋenak sembaas sati fujojaf fati kugamooraak di ereg kawonoor kati fo di emanjey waa unaamutumi di balindab báamakab bati mofam di waafaw wasofimi di eluup kugamena écita kasanken.

14. Esen fujojaf fati kugamooraak sembe di mati kariiboorak kati burokab bati mofam di sίsukas

15. Ekobey kujuumak kasofimi lit di mofam, di mati kásipenoorak sίdiinaas, ekaaney fukow fákon, demokaraasey , emaŋey burokab di sίsukas,manjeemi bee kawotei eeno, simit soono buu keelak kati erungey koote ebaj di ñoono buu áyiau ati mofam aate kawotei

Uwote’aal di mákon ÉE di funakaf fati 20 di fuleeŋaf fati Mars 2016